Менталното здравје на популацијата во РСМ во период на КОВИД пандемија

Abstract

Во постојниот магистерски труд се истражуваше влијанието на Ковид-19
пандемијата која го зафати целиот свет, па и нашата мала држава која постојано е во
транзиција, и нејзиното влијание врз менталното здравје на нашата популација.
Истражувањето се одвиваше во период од еден месец на популацијата на РСМ, по
пригоден примерок на истражувачот, и беа вклучени 101 испитаник од машки и женски
пол, поделени во три категории според степенот на образование, и тоа со основно, средно
и високо образование. Испитаниците беа поделени во три возрасни групи, и тоа од 25 до
39 години, од 40 до 59 години и третата група е 60+ години. Предмет на истражувањето е
идентификување на психичките промени кои настанале кај популацијата на РСМ за време
на Ковид-19 пандемијата, каде основна цел е да се даде еден профил на менталното
здравје на нашата популација за време на истата.
Според резултатите од истражувањето, главната хипотеза е потврдена. Ковид-19
пандемијата има влијание врз менталното здравје кај популацијата од 26 до 60+ години на
територијата на РСМ и тоа и кај двата пола, и машкиот и женскиот. Добиените резултати
од истражувањето укажуваат дека и кај двата пола оваа пандемија оставила белег. Никој
не е имун на случувањата и дури 13% од испитаниците пројавуваат умерен степен на
невротизираност.

Keywords:

ментално здравје, Ковид-19 пандемија, психички промени