Менаџментот на човечки ресурси и спроведување на обуки на домашно и меѓународно ниво

Abstract

Целта на создавање на овој магистерски труд е да се направи сеопфатна анализа на
обуката на домашно и меѓународно ниво, како и развојот на персоналот како алатка за
успешно работење во сите сфери, а со цел нивно подобрување и развој. Овој магистески
труд, всушност, има за цел да ја испита обуката и развојот на вработените на домашно и
меѓународно ниво за успешно работење и искористување на капацитетот на вработените.
Сложеноста на управувањето со човечките ресурси бара современи начини на квалитетно
управување со нив, што опфаќа низа планови, политики и програми коишто треба да се
приспособат кон желбите, целите и потребите на индивидуите во организацијата. Развојот
на човечките ресурси е повеќе од потребен затоа што не е доволно само да се пронајдат
способни и вредни вработени, туку е потребно истите постојано да се дообразуваат, да се
следат и да се мотивираат бидејќи само на тој начин се постигнува двострано задоволство,
при што од една страна работникот ќе биде задоволен бидејќи работи во една таква
организација, а од друга страна, организацијата на сметка на таа успешност, ќе бележи
голема добивка. Обуките се неопходни бидејќи преку нив вработените доаѓаат до нови
знаења и вештини кои им помагаат да се развиваат во насока на максимална продуктивност
и професионалност.
Конечно, во сите организации (особено јавните) треба да се зголеми свеста за
потребата од менаџментот на човечките ресурси, како и потребата од континуирано
инвестирање во нови и подобрување на постојните знаења и вештини на вработените, а со
цел создавање на успешни организации и бизниси.

Keywords:

обука и развој, човечки ресурси, ефикасност, перформанси