Меѓународното хуманитарно право при заштита на цивилите од експлозивни напади во вооружените конфликти

Abstract

Заштитата на цивилното население од експлозивни напади претставува едно од
најсериозните предизвици во современите вооружени конфликти, особено во урбаните
средини, каде што ризикот од цивилни жртви е значително зголемен. Последиците од
употребата на експлозивни оружја не се ограничуваат само на непосредната загуба на
човечки животи, туку вклучуваат и долгорочни социјални, економски и хуманитарни
последици, како што се уништување на виталната инфраструктура (болници, училишта,
системи за водоснабдување) и нарушување на основните услуги.
Меѓународното хуманитарно право (МХП) воспоставува правила и
ограничувања со цел да се минимизира страдањето на цивилите, вклучувајќи ги
принципите на разликување, сразмерност и претпазливост при нападите. Сепак,
спроведувањето и почитувањето на овие норми останува предизвик, особено во
контексти каде што недостасува политичка волја или механизми за одговорност. Затоа,
од клучно значење се унапредувањето на меѓународната правна рамка, зајакнувањето на
механизмите за одговорност и промовирањето на глобална соработка за подобра
заштита на цивилите од последиците на експлозивното војување.

Keywords:

Меѓународно хуманитарно право (МХП), Експлозивни оружја,
Заштита на цивилите, Воен конфликт, Цивилни жртви, Женевски конвенции.