Меѓународните политички односи на Република Турција и Република Северна Македонија

Abstract

Во рамките на овој магистерски труд се обработуваат македонско-турските
меѓународни политички односи, при што истите се опфатени за анализа од повеќе
аспекти: политички, економски, социо-културен и образовен аспект. Станува збор за
односи кои бележат долга историска традиција, но со истото темпо се развиваат и во
современа рамка на делување.
Република Турција е земја која поддршката кон Република Северна Македонија ја
покажува неспорно во континуитет долг период, од осамостојувањето на земјата. Во таа
насока се посочува дека Турција е помеѓу првите земји кои ја признааат уставотворноста
на земјата. Овој позитивен однос на соработка, се повеќе доаѓа до израз во последната
деката кога турските инвестиции во земјата бележат особен пораст и истите се поддржани
од страна на јавноста
Во рамките на овој труд е спроведено квалитативно емпириско истражување.
Истото е спроведено со дистрибуција на прашалнк за интервју до целна група на
испитаници, односно репрезентативен примерок од вкупно 50 испитаници, (експерти,
дипломати, универзитетски професори, јавни функционери), со цел да се увиди нивниот
став во врска со посочената проблематика, односно разбирањето на меѓународните
политички односи и ниво на стекната соработка помеѓу Република Турција и Република
Северна Македонија.
Во однос на методолошката рамка, во трудот се применува метод на анализа на
содржина, метод на компарација, метод на синтеза, метод на генерализација и
спецификација. Хипотезите кои се декларирани во магистерскиот труд, на основа на
поставената теоретско-емпириска рамка, се потврдени, односно прифатени со што трудот
ја добива својата целина како научно дело со особен придонес.

Keywords:

Турција, Северна Македонија, меѓународни политички односи