Лидерот во улога на мотиватор за ефикасна организација

Abstract

Преку научен и практичен пристап на концептот на лидерството, се анализира
улогата на лидерот како мотиватор за успешно остварување на целите на организацијата.
Во таа насока, во трудот детално се елаборираат основите на лидерство, особености и
компетенции коишто се потребни да ги поседува лидерот, теоретска рамка на компетенции
на концептот – лидерство, предизвици на лидерство, влијание на лидерството врз
мотивацијата на вработените како и стратешки концепт на мотивација преку афирмирање
на лидерско делување.
Главната работна хипотеза на истражувањето тргнува од претпоставката дека ако
лидерот на деловна организација се грижи за мотивите на своите вработени, во тој случај
се очекува да се создадат позитивни услови за ефикасно функционирање во работниот
делокруг на деловната организација. Самиот лидер е потребно да ги препознае мотивите
на вработените и да обезбеди нивно исполнување, со цел да се овозможи истовремено
исполнување на целите на деловната организација.
Во трудот е спроведено емпириско истражување на целна група од 100 испитаника
во производно ориентирани домашни организации, на територијата на Република
Македонија. Се очекува истражувањето да даде реален придонес во научната и практична
сфера на делување, особено кога станува збор за анализа на лидерските капацитети и
потенцијали во функција на дополнително мотивирање на вработените на една ефикасна
деловна организација.

Keywords:

лидерство, лидер, концепт, мотивација, мотиватор,
ефикасност, деловна организација