Корпоративното управување во Република Северна Македонија, со посебен осврт на деловните субјекти

Abstract

Проблематиката на корпоративно управување во компаниите во Република
Северна Македонија се актуелизираше во последната деценија на минатиот век.
Корпоративното управување обезбедува структура преку која се остваруваат
целите на компанијата, се поставуваат средствата за постигнување, следење, и
мониторинг на остварување на поставените цели.
Главна причина за актуелноста на корпоративното управување е фактот што со
завршувањето на процесот на приватизација на општествените претпријатија се
потенцираат предизвиците за уредување на соработката што се имлементираа во
компаниите. Со овие предизвици се соочувале сите пазарни економии, дури и оние со
најстара традиција. Станува збор за донесување одлуки за тоа на кој начин ќе се управува
со капиталот, како односите се поврзани со сопственоста врз капиталот,на кој начин ќе
се делегира овластување за донесување одлука, на кој начин ќе се извршуваат одлуките
и кој ќе ја обезбеди контрола врз реализирањето, и тоа со една единствена цел да се
заштити сопственоста и правата на сопствениците на капиталот.

Keywords:

Корпоративно управување, деловни субјекти, капитал,
корпоративен менаџмент, пазари