Компаративна анализа на правното регулирање и економското влијание на трудовата миграција во Сојузна Република Германија и Република Словенија: Пристапи во контекст на меѓународните економски односи

Abstract

Секој од нас има цел да живее подобро – едни да имаат подобро образование, други да
имаат подобро место за живеење, подобра култура или поразлична култура од нашата, но
многу од нас имаат цел да пронајдат подобро место каде што ќе работат.
Трудовата миграција претставува единствената можност за луѓето да пронајдат подобра
работа и со тоа да имаат и подобри услови за живот.
Во мојот труд, прво ќе дадам теоретски осврт за тоа што е всушност трудовата
миграција и нејзините причини поради кои таа се појавува и е многу честа особено во
последните десет години во нашата држава, но и во земјите во Европа, со посебен акцент
на Република Словенија и Сојузна Република Германија. Понатаму ќе се осврнам за тоа кои
се нејзините позитивни и негативни страни, услови како таа е поврзана и како делува во
нашето општество.
Дополнително ќе се направи компаративна анализа на правното регулирање и ќе се
види економското влијание на трудовата миграција во Соjузна Република Германија и
Република Словенија, односно пристапите во контекст на меѓународните економски
односи, и со тоа ќе погледнеме како трудовата миграција се зголемува, како влијае во
нашето општество, и ќе дојдеме до заклучок дека миграцијата претставува еден многу
познат феномен кој влијае врз сите нас и не треба воопшто да се занемари, туку, напротив,
треба општеството да влијае за да не се зголемува трудовата миграција во наредниот
период.

Keywords:

трудова миграција, работа, општество.