Kомпаративна анализа на правните лекови во управната постапка како гарант и заштита на правата на граѓаните во Република Северна Македонија и во дел од балканските држави

Abstract

Правните лекови во управната постапка претставуваат суштински механизам за заштита на правата и интересите на граѓаните во Република Северна Македонија. Тие овозможуваат контролa на законитоста и правилноста на управните акти и гарантираат дека државната администрација ќе постапува во согласност со законите и принципите на правичност. Основните правни лекови, како што се жалбата и управниот спор, им овозможуваат на граѓаните повторно разгледување на нивното барање од повисок орган или судска власт, што придонесува кон правна сигурност и еднаква заштита на сите. На тој начин, правните лекови не се само формални инструменти, туку и практична гаранција дека управната постапка ќе ја оствари својата примарна цел – заштита и унапредување на правата на граѓаните во правниот поредок.