Компарација на менаџментот на човечки ресурси меѓу општествата на Запад и на Исток низ културно-општествена призма

Abstract

Компаративниот менаџмент на човечки ресурси ни помага да го сфатиме и објасниме
начинот на кој што човечкиот потенцијал е менаџиран и организиран во различни земји,
во оваа студија, конкретно Јапонскиот и Американскиот. Компаративниот менаџмент
зазема круцијална позиција во потеклото на интернационалниот менаџмент на човечки
ресурси и прикажува една поширока слика на методите и практиките според кој се
раководат различните стилови на менаџирање. Компаративниот менаџмент со човечки
ресурси ги потенцира национално-институционалните разлики во раководењето со
човечкиот потенцијал кој се провлекува низ методите, практиките, правилата и
системите. Покрај тоа, помага да се разбере специфичниот национален контекст во кој
што тој стил се развива како и создавањето на перспектива за локалните услови во кој
што се менува преку специфичните ставови кон менаџментот на работна сила.
Целта на оваа студија е да се дискутираат и споредат практиките на менаџментот со
човечки ресурси на Јапонија и Америка преку секторите и активностите со цел
откривање и објаснување на сличностите и разликите, како и причините за нивно
постоење

Keywords:

компаративен менаџмент на човечки ресурси, Американски стил,
Јапонски стил, сличности, разлики