Карактеристики на употреба на алатки за комуникација во маркетинг во ризик

Abstract

Во 21-от век, информациите и новите технологии имаат значајна улога во развојот
на маркетингот за постигнување успех на компанијата. Со помош на маркетингот
производот се фиксира во главата на потрошувачот и само тоа може да доведе до
посакуваната цел – да се купи производот. Преку промоцијата на стоките и услугите и
постојана интеракција помеѓу производителот и потрошувачот, компаниите мора да
користат маркетинг-комуникации во својата работа. Маркетинг-комуникациите
претставуваат основно средство за привлекување на купувачи. Кампањите коишто не ги
користат наведените маркетинг-алатки и не спроведуваат вакви активности, се осудени
на пропаст.
Со помош на промоцијата, се постигнува: подигање на свеста или знаењето на
потрошувачот, промена или зајакнување на преференциите и промена или зајакнување на
моделите на однесување на купувачот. Маркетинг-комуникациите вклучуваат повеќе
видови на алатки, како што се: рекламирање, стимулирање на продажба, ПР или односи со
јавноста, маркетинг на настани или евент-маркетинг, лична продажба, директен
маркетинг, интернет-маркетинг. Интегрираните маркетинг-комуникации се концепт за
организирање и планирање на маркетинг-комуникациите, што тргнува од неопходноста за
оценување на стратешката улога на нивните компоненти и изнаоѓање најефективна
комбинација за максимално влијание на комуникациските програми преку координирана
интеграција на сите индивидуални пораки. Овој концепт денес е многу актуелен, бидејќи
неговата цел е постигнување максимална ефикасност и ефективност на маркетингкомуникациите преку барање на најоптималните комбинации.

Keywords:

маркетинг-комуникации, претпријатие, алатки за маркетингкомуникации, унапредување, подобрување, економски ризици, менаџмент на ризик,
хеџинг.