Карактеристики на механизмите за психолошка заштита на постарите студенти, склони кон зависност од компјутер

Abstract

Со брзиот развој на компјутерската технологија, истражувањето на проблемите
поврзани со компјутерската зависност кај адолесцентите во Русија е од особено
значење. Во последниве години, компјутерските игри оставија значителен отпечаток
врз развојот на личноста на модерното дете. Моќниот прилив на нови информации,
употребата на компјутерска технологија, како и ширењето на компјутерски игри има
големо влијание врз воспитанието на современите деца и адолесценти. Создавањето на
соодветна воспитна средина е неопходен услов за формирање на детската личност, не
само во рамките на образовната институција, туку и надвор од неа. Начинот на
искористување на слободното време кај децата и адолесцентите исто така значително
се менува, бидејќи компјутерот во себе ги комбинира можностите на телевизијата,
DVD, музичкиот центар и книгите.
Во сегашноста се зголемува бројот на деца и адолесценти кои можат да работат
со компјутерски програми, вклучително и играње компјутерски игри. Во исто време и
покрај несомнената позитивна страна на компјутеризацијата, треба да се забележат и
негативните последици од овој процес, што влијае на социјалното и психолошкото
здравје на децата и адолесцентите. Негативна последица од овој процес е феноменот на
зависност од компјутер. Терминот компјутерска зависност потекнува од 1990 година.
Психолозите ја класифицираат оваа лоша навика како еден вид емоционална
„наркоманија“, предизвикана од технички средства.
Компјутеризацијата на сите сфери на човековиот социјален живот е еден од
највпечатливите настани во последната четвртина од 20 век. Компјутерот стана
составен дел од современиот живот, обземајќи ги со своето влијание современите деца
и адолесценти [ 13, 14 ] .
Прашањето за зависности од интернет првпат беше разгледано и опишано како
зависност во 1995 година од страна на д-р Ајвен Голдберг. Неговиот предлог-опис се
заснова врз опишување на психолошки нарушувања при злоупотреба со психоактивни
супстанции. Во Русија, овој проблем се изучува од 2000 година.

Keywords:

студенти, психолошка поддршка, компјутер.