Историја на проучување на човечките ресурси и практичната примена на најновите модели во 21ви век во Македонија

Abstract

Во современите услови на глобализација, технолошки развој и динамични промени на пазарот
на трудот, организациите се соочуваат со сè поголеми предизвици поврзани со нивното
функционирање, развој и конкурентност. Успешното работење на една организација не зависи од
материјалните ресурси и финансискиот капитал, туку во голема мера и од начинот на кој се
организира работата, се управува со човечките ресурси и се создава позитивна организациска клима.
Организациската структура има важна улога во дефинирањето на одговорностите,
комуникацијата, координацијата и ефикасноста во работењето. Добро поставената структура
овозможува рационално користење на ресурсите, јасна поделба на задачите и побрзо
приспособување кон промените во внатрешното и надворешното опкружување. Истовремено,
менаџментот на човечки ресурси претставува стратешка функција која придонесува за избор, развој,
мотивирање и задржување на вработените, со цел остварување на организациските цели.
Покрај структурата и управувањето со човечките ресурси, значајно место има и
организациската клима, односно начинот на кој вработените ја перципираат работната средина,
меѓучовечките односи, лидерството и можностите за напредување. Позитивната организациска
клима влијае врз зголемување на мотивацијата, продуктивноста и задоволството од работата, додека
пак негативната клима може да доведе до намалување на ефикасноста и зголемена флуктуација на
кадарот.

Keywords:

човечки ресурси, примена, модели.