Главната расправа во кривичната постапка

Abstract

Овој магистерски труд нуди целосен преглед за важноста, значењето и улогата на
главната расправа во кривичната постапка. Особено внимание е посветено на
Република Северна Македонија, со цел да се истакнат сите клучни аспекти, особености,
предизвици и можности за подобрување. Преку компаративна анализа со правни
системи од други земји, истражувањето има неколку конкретни цели: идентификација
на основните елементи и процеси на главната расправа, анализа на историскиот развој
на кривичната постапка, како и утврдување на предизвиците и потенцијалните
унапредувања.
Ова истражување е значајно затоа што ќе помогне во откривање на предностите и
слабостите на тековната практика. Преку продлабочено разгледување на кривичната
постапка и нејзините компоненти, ќе се поддржи развојот на правната доктрина.
Потврдувањето на хипотезите ќе овозможи формулирање конкретни препораки за
унапредување на главната расправа, оптимизирање на фазите од кривичната постапка и
подобрување на правните вештини, водење и разбирање на кривичната постапка од
страна на сите учесници, како и целосно обезбедување на фер, праведни судски
постапки и мериторни одлуки, што пак од друга страна ќе доведе до враќање на
довербата во правниот систем.

Keywords:

казнено право, кривична постапка, главна расправа