Факторот човечки ресурси во процесот на децентрализација за развој на локалната самоуправа

Abstract

Локалната самоуправа е важна компонента на јавниот систем поврзана со целокупниот
друштвен развој и потребите на граѓаните, а човечките ресурси се едни од најважните
ресурси во неа, што претставуваат движечка и креативна сила и основата на нејзиниот
успех. Факторот човечки ресурси во исто време е механизам за формирање на
ефикасна, ефективна, отворена, отчетна, транспарентна и квалитетна јавна
администрација. Многу административни процеси, вклучувајќи ја децентрализацијата
и дерегулацијата, не можат да се постигнат без поддршка и промени во ставовите и
однесувањето на административниот персонал. Исто така, зголемената нестабилност
на опкружувањето во кое работи администрацијата бара поголема флексибилност на
нејзините структури, а управувањето со флексибилноста поставува нови побарувања за
човечките ресурси. Излегува дека успешното функционирање на системот и
спроведувањето на реформите сè повеќе зависат од функцијата на управување со
човечки ресурси во јавната администрација. Во овој магистерски труд главниот фокус
е насочен кон поимното разгледување на локалната самоправа, нејзиниот историски
развиток во светот, но и во националните граници, како и улогата на човечките ресурси
во спроведувањето на модернизацијата и децентрализацијата на јавната
администрација и изградбата на квалитетен систем на локалната самоуправа.

Keywords:

локална самоправа, човечки ресурси, јавна администрација,
децентрализација, демократија.