Фактори што влијаат врз појавата на професионални болести

Abstract

Изложеноста на штетни услови на работното место и изложеноста на штетни агенси (хемиски, биолошки и физички опасности) е една од причините за појава на професионалните заболувања како професионален ризик.
Професионалните кожни болести, како и сите други професионални заболувања, се резултат на влијанието на штетните фактори од работната средина. Најчеста професионална болест на кожата е контактниот дерматитис.
Постојат повеќе фактори кои влијаат врз појавата на стрес кај здравствените работници.
Со навремено препознавање на влијанието на факторите што предизвикуваат појава на професионални болести, може да се најдат ефективни мерки за нивна контрола и намалување на изложеноста на специфични стресни фактори. Со примената на превентивните мерки и следење на безбедносните протоколи би се подобриле и условите на работа и здравјето на здравствените работници, а со тоа ќе се зголеми ефикасноста и ефективноста при извршувањето на работните задачи.

Клучни зборови: професионални болести, хемиски опасности, физички опасности, биолошки опасности, стрес, контактен дерматитис, здравствени работници