Фактори кои придонесуваат за појава на ризично однесување кај деца на разведени родители

Abstract

“Разводот на брак, како начин на престанок на полноважен брак за време на животот
на брачните партнери, е феномен кој доведе до драматични промени во семејниот живот
во сите европски држави. Бројот на разведени бракови расте во цела Европа, така што
стапката на разведени бракови на 1000 жители се зголемила од 0.8% во 1965 година на
1.9% во 2016 година.
Во 2016 година во земјите на Европската Унија биле склучени 2.2 милиони
бракови, а биле разведени еден милион бракови. Бројот на разведени бракови постојано
се зголемува и во Македонија, при што во последниве две децении бројот на разводи е
зголемен за три пати и сега изнесува над 2000 разведени бракови годишно.
Разводот доведува до сериозни промени во семејниот модел, до дестабилизирање
на бракот и до зголемување на бројот на едно родителските и на рекомпонираните
семејства. Освен тоа, разводот на брак негативно влијае врз психо-социјалниот развој на
децата, кои често се најголемите жртви на разводот на нивните родители.”

Keywords:

дете во судир со законот, кривично дело, изречена мерка,
стручна работа, третман, родителска одговорност, деца, развод на брак, последици од
развод на брак.