Евалуација на ефективноста на психолошката поддршка и психо-социјалната помош на жени онколошки пациенти

Abstract

Целта на ова истражување е да се направи евалуација на психосоцијалната помош и
поддршка, односно да се укаже на бенефитот од организирање и работа на групи за
давање на психсоцијална помош и поддршка.
Групата за психолошка помош и поддршка е организирана со цел учесниците да се
запознаат со психолошкиот аспект на малигната болест и механизмите за справување со
психолошките потешкотии, да се поврзат меѓусебно, да стекнат впечаток дека не се сами и
дека не се единствени кои се соочуваат со исти или слични потешкотии во процесот на
справување со болеста, да добијат и споделат информации и искуства ( психосоцијален
аспект) во една топла, сигурна и слободна средина.Групната психотерапија и
работилниците од овој тип допринесоа за промени во однос на ставот кон важноста од
зачувувањето и унапредувањето на менталното здравје, прифаќањето на емоционалните
реакции како прифатливи, „нормални“ и човечки и отвореноста кон психотерапијата.
Токму постоењето на Групата за психолошка помош и поддршка и согледувањето на
бенефитот од неа поттикна да се направи истражување за ефективноста од психолошката
помош и поддршка кај онколошки пациенти.
Испитаничките кои користат психосоцијална и психолошка поддршка добиваат
информации, емоционална поддршка, користат некои од експресивните техники, работат
на вештини и работат на себе и на надминување на емоционалните потешкотии.
Резултатите од ова истражување укажуваат на позитивното влијание од психолошката
помош и поддршка. Психолошката помош и поддршка во значајна мера влијае на
подобрување на нивото на општото ментално здравје и на намалување на последиците од
карциномот по однос на менталното здравје, односно влијае на намалување на стресот,
анксиозноста и депресијата и влијае за посттрауматски раст.

Keywords:

ментално здравје, психосоматика, психоонкологија, стрес, траума,
анксиозност, депресија, психолошка поддршка, психосоцијална помош