Етичките предизвици и улогата на бранителот во заштитата на човековите права во кривичната постапка

Abstract

Современите правни системи се темелат врз заштитата на човековите права и
слободи, а кривичната постапка претставува едно од најчувствителните подрачја во кое
истите се доведуваат во ризик. Во таа рамка, улогата на бранителот се јавува како клучна
алка во обезбедувањето на правичност, еднаквост и почитување на етичките стандарди.
Овој труд има за цел да ја истражи комплексната улога на бранителот во контекстот на
етичките предизвици со кои се соочува при застапување на клиентите во кривичната
постапка, како и неговата обврска да ги штити човековите права загарантирани со
националното и меѓународното право. Истражувањето опфаќа анализа на законодавната
рамка, улогата на адвокатската комора, етичките кодекси, судската пракса, како и
споредбена анализа со други правни системи. Наодите упатуваат на неопходност од
консолидирање на етичката свест кај правните практичари, зајакнување на механизмите за
надзор и едукација, како и поголемо разбирање на улогата на бранителот како чувар на
индивидуалните права во правосудниот процес.

Keywords:

бранител, етика, човекови права, кривична постапка, правна заштита, адвокатска дејност.