етерминанти на апсентизмот кај вработените во јавниот сектор

Abstract

Отсуството на вработените останува проблематично прашање во организациите
ширум светот. Во текот на изминатите децении беа преземени бројни истражувачки
иницијативи со цел да се разбере феноменот. Целта на ова истражување е да се добијат
сознанија за тоа дали биографските фактори и работните ставови (вклученоста во работата
и организациската посветеност) го детерминираат апсентизмот кај вработените во јавниот
сектор. Примерокот на истражување го сочинуваат 80 испитаници вработени во
организации на јавниот сектор, на возраст од 30 до 50 години и работен стаж не помал од
5 години. За собирање на податоците применети се: Прашалник за биографски податоци,
Прашалник за апсентизам, Прашалник за вклученост во работата и Прашалник за
организациска посветеност. Добиените резултати покажаа дека постојат разлики помеѓу
вработените со различни биографски фактори (пол, возраст и брачен статус) и различни
работни ставови (вклученост во работата и организациска посветеност) и дека постои
поврзаност помеѓу биографските фактори, вклученоста во работата и организациската
посветеност со апсентизмот кај вработените во јавниот сектор

Keywords:

јавен сектор, апсентизам, биографски фактори, вклученост во
работа, организациска посветеност