Ефикасноста на противпожарните единици во Северна Република Македонија согледана преку колективни работни резултати

Abstract

Република Северна Македонија се справува со големиот број пожари, коишто
изненадно избувнуваат, посебно во летниот периот од годината. Некои се со помал
размер, но има и такви кои поради ветерот брзо се шират и зафаќаат шумски
површини, заканувајќи се на населението места и предизвикувајќи штета
Ефикасноста и квалитетниот пристап кон пожарите како честа, непосакувана појава,
ефикасното користење на средствата за гаснење на пожарот, имаат големо значење
поради неколку причини, но приоритет се става на сериозноста на пожарите и
последиците (краткотрајни, долготрајни) од нив.
Пристапот кон работните групи со постојан карактер се базично детерминирани за
ефективното и ефикасно организациско работење на територијалните
противпожарни единици.
Во организациската структурна рамка во која се инкорпорирани организациските
цели, позитивните практики и постигнатите резултати, максимално меѓусебно се
координирани во една функционална целина. Постоењето на релативно трајни
повторливи задачи претставува заедничко дејствување на група на индивидуи во
која, секој поединец поседува сопствени индивидуални интереси, ставови и мислења
во единство и за ефикасно делување на групата, се негува и користи работна култура
во која, во секој сегмент е инкорпорирана меѓусебната соработка.
Во оваа насока, трудот има за цел да го истражи проблемот на ефикасноста на
противпожарните единици во Република Северна Македонија согледана преку
колективни работни резултати. Поради увидување на влијанието на квалитетна и
несебична меѓусебна соработка за ефикасно управување со безбедносна на цел склоп
активности во Република Северна Македонија, големо значење има пресекот на
емпириската состојба, континуираните следења, анализи, а согласно тоа и
преземањето на корективни мерки за подобрување на состојбата односно
зголемување на ефикасноста при користењето на средствата за гаснење на пожар во
Република Северна Македонија

Keywords:

неконтролирано горење -пожари, противпожарни средства,
колективни работни резултати, противожарни единици