Ефективноста на обуката врз безбедноста при работа во градежната индустрија

Abstract

Различни индустрии, меѓу кои и градежната, вклучуваат работа на висина која ги
изложува работниците на ризик со пријавени голем број на смртни случаи и повреди. Иако поголемиот дел од работниците поминуваат низ обука за безбедност и здравје при
работа, за жал, сè уште има и такви компании каде има работници кои немаат поминато
таква обука поради што индустријата сè уште е зафатена од значително голем број
несреќи и смртни случаи. Целта на ова истражување е да ја испита ефективноста на
обуката за безбедност и здравје при работа во подобрувањето на безбедносните аспекти на
работата на висина, како и ефективноста во редуцирањето на влијанието на факторите на
попречување и подобрувањето на влијанието на факторите на олеснување на
имплементација на стекнатите знаења од обуката. Истражувачкиот примерок го
сочинуваат 60 градежни работници (30 со обука и 30 без обука за безбедност при работа), на возраст до 55 години, работен стаж во сегашната професија кој не е помал од една
година, на работно место кое вклучува работа на висина. За собирање на податоците
користени се: Прашалник за безбедносни аспекти на работата на висина, Прашалник за
пречки за имплементација на знаењето за безбедна работа на висина и Прашалник за
фацилитатори за имплементација на знаењето за безбедна работа на висина. Добиените
резултати покажаа дека постојат статистички значајни разлики помеѓу работниците со и
без обука за безбедност и здравје при работа во однос на различни безбедносни аспекти на
работата на висина, а исто така покажаа и дека обуката е ефективна во редуцирањето, односно подобрувањето на влијанието на пречките и фацилитаторите за имплементација
на стекатите знаења за безбедна работа на висина. Овие истражувачки резултати се
конзистентни со досегашните резултати од слични истражувања достапни во стручната
литература.

Keywords:

безбедност и здравје при работа, градежна индустрија, работа на
висина, обука, ефективност