Ефекти од стрес и психосоцијални ризици на работно место врз безбедноста при работа

Abstract

Овој магистерски труд е насочен кон анализа на ефектите од стресот и психосоцијалните ризици на работното место врз безбедноста при работа, со посебен фокус на градежната индустрија. Предмет на истражувањето е степенот на изложеност на градежните работници на психофизички напори, нивната перцепција за работната средина и присуството на организациски и социјални фактори кои придонесуваат за зголемен стрес и намалена безбедност. Целта е да се идентификуваат главните ризици и да се понудат препораки за нивно управување. Истражувањето е спроведено со примена на анкета како главна техника за прибирање на податоци, директно на терен во повеќе градежни компании. Од самите резултати произлегува дека недостатокот на едукација, недоволната комуникација и лошата организација го интензивираат стресот и го зголемуваат ризикот по безбедноста. Како решение се предлагаат системски мерки, обуки и подобрување на организациската култура за унапредување.
Главни зборови: градежништво, психосоцијални ризици, стрес, работна безбедност.