Дисциплинска одговорност на административните службеници

Abstract

Одговорноста подразбира обврска на поединецот за извршување на некоја работа,
што понатаму значи дека треба да се „поднесе сметка“ на некој за постапките кои не се во
согласност со правните прописи, вообичаените правила на однесување, обичаи, традиција
или морал на едно општество, односно поради тоа постои можност да се сносат некои
последици. За одговорноста посебно се зборува во турбулентните општествени процеси,
каде посебно се споменува политичката одговорност на носителите на државни функции,
но и одговорноста на раководителите на државни органи. Прашањето за одговорност на
вработените секогаш е актуелна тема, посебно ако тие вршат работи од посебна важност
за функционирање на државниот апарат, како што е случајот со јавните службеници.
Одговорноста на вработените воопшто, па и на јавните службеници, може да биде
правно регулирана заради „воведување ред“ во работниот процес, но често е
злоупотребувана кон „непослушните“ вработени. Поради тоа што се можни
„пречекорувања“ на претпоставените кон вработените, а и на вработените кон
извршување на работните задачи, прашањето на одговорност мора прецизно да се утврди,
а така утврдената процедура да се почитува, сè со цел заштита на процесот на работа и
работно-правната положба на поединците.

Keywords:

Дисциплинска одговорност на административните службеници