Дигиталната ера и влијанието на интернетот врз социо-емоционалната поврзаност во современото семејство

Abstract

Трудот се фокусира на влијанието на интернет-зависноста врз социо-емоционалната
поврзаност во современите семејства, во контекст на брзото развивачката дигитална ера.
Научната цел е да се утврди корелацијата помеѓу интернет-зависноста и клучните
аспекти на социо-емоционалната поврзаност—конкретно, степенот на доверба,
квалитетот на комуникацијата и оттуѓувањето меѓу членовите на семејството—со
примена на корелациски метод. Практичната цел на истражувањето е да обезбеди
конкретни, релевантни информации и препораки за семејства и образовни институции,
со цел да се подобри социо-емоционалната поврзаност и квалитетот на комуникацијата
во семејството. Резултатите од оваа студија се насочени кон развојот на интервенциски
стратегии и едукативни програми, кои ќе помогнат во управувањето со интернет-
зависноста, заштитата на семејните вредности и превенцијата на негативните
психосоцијални ефекти. Исто така, се очекува да се придонесе кон подобрување на
свеста за последиците од прекумерната употреба на интернет, како и да се постават
основите за понатамошни интервенции насочени кон зајакнување на семејните врски во
дигиталното опкружување.

Keywords:

дигитална ера, интернет-зависност, социо-емоционална поврзаност,
доверба, комуникација, оттуѓување