Човековите права и слободи во современите демократски правни системи од аспект на филозофијата на правото

Abstract

Човековите права отсекогаш биле тема на интерес на голем број на науки и
предмет на голем број дебати во научните кругови. Тоа секако произлегува од нивната
огромна важност за индивидуите во општеството, но и за самиот развој на државата.
Оттука, сосема е јасно зошто во рамките на филозофијата се развила и посебна гранка –
филозофија на правото, која ги разгледува човековите права и слободи од филозофски
аспект.
Во денешните современи и демократски општества, може да се каже дека
човековите права и слободи заземаат централно место. Нивното признавање, почитување
и заштита претставува крајна цел на секоја демократска држава, а уште повеќе, нивното
обезбедување и заштита е подигнатo на супранационално ниво.
И покрај горенаведеното, постојат одредени ситуации во кои човековите права и
слободи можат и треба да бидат ограничени. Секако, овие случаи треба да бидат ретки
исклучоци, да бидат неопходни заради заштита на некоја повисока цел, како и да се во
рамките на строго определени правила и граници.
Токму горенаведените прашања се предмет на овој магистерски труд.

Keywords:

филозофија на правото, човекови права и слободи, Европска конвенција
за човекови права, ограничување на човековите права, меѓународни конвенции