Бренд на производ како фактор за зголемување на потрошувачката

Abstract

Во овој труд се објаснува поимот бренд на производ како фактор за зголемување
на потрошувачката. Веќе многу години до сега брендот се наоѓа во фокусот на
маркетинг активностите кај голем број на компании. Маркетинг менаџерите се повеќе
инвестираат во истражувањето и развојот за брендот и како всушност се брендира
одреден производ. Во глобална борба за потрошувачите еден од начините за да се
освои пазарот настанува преку создавање на дополнителна вредност поради која
потрошувачите ќе го повторат купувањето на производите. Сите се прашуваме што
всушност претставува бренд? Додадената вредност, на прв поглед невидлива,
неопиплива која некој производ или услуга може да ја поседува всушност претставува
бренд. Брендот настанува кога на самиот производ или на самата услуга препишуваме
својства на живи лица или на некој начин вметнуваме живот во самиот производот.
Овој труд главно се задржува на потрошувачата, на тоа какви фактори на
потрошувачката постојат, на кој начин би обезбедиле привлекување и задржување на
потрошувачите? Понатаму се објаснува како потрошувачите донесуваат одлука за
купување на некој производ и за кој потрошувач можеме да кажеме дека е задоволен?
Какви видови на пазари постојат, на кој начин се врши поделба на пазарот, како се
сегментира пазарот и како функционираат понудата и побарувачката на пазарот. Во
врска со брендот, овој труд го потенцира процесот на изградба на брендот, елементи и
вредноста на брендот. Исто така, се извршени и истражувања на пазарот за тоа како
брендот придонесува за зголемување на потрошувачката. Понатаму, се анализира еден
од најпознатите брендови на сокови на нашиот пазар – Вива Соковите кои веќе со
години наназад претставуваат едни од најбараните сокови на нашиот пазар. Така што,
се задржува на тоа кои сѐ маркетинг активности користат менаџерите на Вива соковите
и зошто, многу години наназад, тие се едни од најпродаваните сокови на нашиот пазар,
како тие го имаат брендирано овој сок, всушност на кој начин го изградија својот
бренд?

Keywords:

бренд, додадена вредност, потрошувачка, потрошувач, пазар.