Бракот помеѓу хомосексуалците

Abstract

Истополовиот брак е легализиран во повеќе од 20 држави, вклучително и 16 во
Европа. Во април 2001 година, Холандија беше првата земја во светот што го легализира
бракот од ист пол. До денес, уште 15 земји го следат овој пример: Белгија, Шпанија,
Норвешка, Шведска, Португалија, Исланд, Данска, Франција, Велика Британија (освен
Северна Ирска), Ирска, Финска, Малта, Германија и Австрија. Неколку други земји
прифаќаат истополови граѓански партнерства со малку пониско ниво на права – Унгарија,
Чешката Република, Хрватска, Италија, Грција, Кипар, Швајцарија, Естонија и Словенија.
Повеќето земји во Источна Европа (Литванија, Латвија, Полска, Словачка, Романија,
Бугарија) немаат легализирана форма на истополова заедница. Во Америка истополовиот
брак беше легализиран најпрво во Канада во 2005 година, а потоа во Аргентина, Уругвај,
Бразил, Колумбија и САД (со одлука на Врховниот суд што го прошири тоа право на сите
држави). Чиле и Костарика имаат правни граѓански партнерства. На африканскиот
континент истополовиот брак е легален само во Јужна Африка, а во триесетина земји
хомосексуалноста е дури и забранета. На овој многу репресивен Блискиот Исток, Израел е
срамежлив исклучок. Иако не е нелегален, бракот не е можен затоа што нема формална
институција да го прогласи, но се признава ако е направен во странство. Уставниот суд
дозволи легализација на истополовите бракови во Тајван, а Австралија е во процес на
легализација на истата. Нов Зеланд го легализираше истополовиот брак и посвојувањето
на децата во 2013 година.
Истополовите бракови сѐ уште се табу-тема во голем број земји, вклучувајќи ја и
нашата земја, и затоа во овој труд ќе се обидам да ја прецизирам фактичката состојба на
оваа појава и начинот на кој истата се рефлектира во општеството.

Keywords:

брак, семејство, деца, хомосексуалност, права, предрасуди,
законска регулатива, јавно мислење