Анксиозност при комуникација на адолесценти во основно образование

Abstract

Проблемот на научното истражување е анксиозност при комуникација на адолесцентите
во основно образование. Адолесцентите кои имаат комуникациска анксиозност
избегнуваат социјална интеракција кога е можно, зборуваат помалку кога треба да се
вклучат во разговор, се помалку течни и доживуваат многу повеќе физиолошка
вознемиреност и поради тоа овој проблем има големо значаење. Во научното
истражување во текот на целокупната истражувачка постапка се применуваше
дескриптивниот и корелациски метод на научно истражување. Од техниките се примени
техника на теститање и анкетирање. Собраните податоците од инструментите на
едноставен случаен примерок кој го чинеа прочистени 102 единици на анализа односно
адолесценти од цела држава, утврдија дека постои средно ниво на комуникациска
анксиозност кај адолесцентите во основно образование во Република Северна
Македонија и дека треба понатаму да се работи како превентивно, така и на корекција
на комуникациска анксиозност кај адолесцентите.

Keywords:

анксиозност, комуникациска анксиозност, адолесценција