Анксиозност и самодоверба кај интелектуално надарени личности

Abstract

Интелектуалната надареност со себе носи голема стигматизација во однос на
социјалното функционирање кај индивидуите. Освен тоа, се поврзува и со намалени нивоа
на самодоверба и присуство на социјална фобија, т.е. анскиозност. Претходните
истражувања се насочени на испитување на присуство на социјална анксиозност, како и
осаменост кај интелектуално надарените личности, но најчесто се спроведувани кај
помладата популација.
Ова истражување имаше цел да го испита присуството на социјална фобија кај
интелектуално надарените личности и нивото на самодоверба кај истите, при што беа
опфатени испитаници (n = 91) од различни возрасни доба (18 – 62). Учесниците ги
пополнија: скала на социјална анксиозност, скала на срамежливост, скала на социјални
потенцијали и конечно, скала на самодоверба. Со резултатите од применетите анализи не
се забележани пониски нивоа на самодоверба кај интелектуално надарените индивидуи, а
не е забележано присуство на социјална фобија. Потребни се понатамошни истражувања
на темата, со поголем број на испитаници и вклучување на психоедукативен дел за
намалување на предрасудите и стигмата поврзана со надареноста.

Keywords:

анксиозност, социјална анксиозност, социјална фобија, самодоверба,
интелигенција, интелектуална надареност, социјални потенцијали