Анализа на структурата и дефиниција на моделот на организациската структура и промени во Подружниците на АД „Пошта на Северна Македонија“

Abstract

Брзиот процес на глобализација, огромната конкуренција на пазарот,стремежот
на општеството кон постојан развој на производите и услугите заради задоволување на
потребите на потрошувачите го поттикнуваат менаџментот на постојана оптимизација
на организацискиот систем во својата организација. Преку ефективно комбинирање на
материјалните, финансиските, човечките и информационите ресурси, менаџментот
работи на креирањето на методите на управување и дизајнирање на организациската
структура. ” Управувањето со промените и организацискиот развој не би биле важни
ако производите и пазарите биле стабилни, а организациските промени биле ретки.
Сепак, тоа не е случај. Промената е сѐ поприсутен придружен елемент на
организацискиот живот, иако многумина истакнуваат дека обемот на промените
значително се зголеми во последните децении. ” (Burnes B.2000). ” Промената е
присутна во деловниот свет со векови и сигурно ќе биде така, но самата идеја за
промена се менува” (Abrahamson, E. 2000).
Организациската структура е систем на односи меѓу решенијата на управување
и функционалните области на организацијата кои се формално или неформално
формирани во самата организација. Секоја организација има своја организациска
структура која треба да ги одреди сите односи во рамките на организацијата,системот
на координација и менаџирање на активностите, системот на одлучување итн. што пак
од друга страна треба да придонесе за ефикасен раст и развој на организацијата.

Keywords:

глобализација, оргазација, структура,координација, менаџмент