Анализа на состојбата во системот за правда на децата во Р.С. Македонија и нивна правна заштита

Abstract

Јас во мојот магистерски труд детално ќе ја опфатам анализата на состојбата во системот за
правда на децата во Р.С Македонија, како и нивна заштита од правен аспект, сепак во
системот за правда се опфатени повеќе прашања и тоа , вклучително: детска заштита,
спречување на криминалот, спроведување на законот, судски постапки, казнување и
рехабилитација. Сепак ова е клучна област од социјалната политика, која се однесува на сѐ
поголем број на ранливи деца кои честопати се маргинализирани од општеството. Но
најважен ни е начинот на кој се постапува со овие деца во правосудниот систем кој
всушност претставува критичен фактор при определувањето дали тие ќе бидат
реинтегрирани во нивните семејства, училишта и заедници. Иако знаеме дека реформата на
законите е мошне значајна во повеќе земји, од нашите искуства стекнавме разбирање дека
законот и политиката не се единствениот одговор за да се постигне правда за децата.
Способноста и моќта на правдата, поддршката и системите за заштита, како и оние кои
работат во тие системи имаат клучно значење за ефективно и правично спроведување на
принципите на правдата.

Keywords:

правда, деца, општество