Анализа на системи за безбедност при работа и фактори за повреди на работно место

Abstract

Безбедноста и здравјето при работа (БЗР) е мултидисциплинарна наука која се
занимава со превенција на повреди на работното место и болести поврзани со работата како
и заштита и промовирање на здравјето на работниците. Истата е насочена е кон
подобрување на условите за работа и околината. Професионалното здравје опфаќа
промоција и одржување на највисок можен степен на физичко и ментално здравје и
социјална благосостојба на работниците во сите професии. Во овој контекст,
предвидувањето, препознавањето, оценувањето и контролата на опасностите кои
произлегуваат од работното место, а можат да ги нарушат здравјето и добросостојбата на
работниците, се основните принципи на процесот на проценка на ризик и управување со
БЗР. Во однос на претходно наведеното не треба да се заборави и запостави можното
влијание на непосредната околина и животната средина, коишто исто така треба да се земат
предвид како дел од системот за заштита и превенција.
Оваа магистерска работа има за цел да ја анализира распределбата, динамиката и
специфичните карактеристики на повредите при работа според индустриски сектори во
Република Северна Македонија во периодот од 2019 до 2024 година. Истражувањето е
засновано на податоци од релевантни државни институции и опфаќа квантитативна анализа
на повреди и смртни случаи во значајни индустриски сектори, вклучувајќи градежништво,
преработувачка индустрија, јавна администрација, рударство, транспорт и други.
Истражувањето дополнително опфаќа и споредба со земјите од регионот и ЕУ,
идентификувајќи разлики во стапките на повреди и системските пристапи кон безбедноста
на работното место. Преку анализата се нагласува значењето на континуирана
институционална поддршка, усогласување со европските стандарди и развој на култура на
безбедност.

Keywords:

БЗР, ризик, системи за БЗР, повреда, несреќа