Анализа на прописите и принципите за безбедност и здравје при работа во Европската Унија и Република Северна Македонија

Abstract

Прописите на Европската Унија за безбедност и здравје при работа поттекнуваат од
Европската Рамковна Директива 89/391/ЕЕС, чија основна цел е воведување на
превентивните мерки кои ќе ја поттикнат свеста преку конкретни активности за
подобрување на безбедноста и здравјето на вработените, предводена од општите
принципи во поглед на превенција на рзиицте при работа.
Прописите во Република Севрена Македонија се донесени во 2007 година со
Законот за безбедност и здравје при работа во Република Северна Македонија и се
потполно хармонизирани со Рамковната Директива 89/391/ЕЕС. Со овој закон се
утврдуваат мерките за безбедност и здравје при работа, обврските на работодавачот и
правата и обврските на вработените од областа на безбедност и здравје при работа.
Основната цел на магистерскиот труд е да се направи компаративна анализа помеѓу
прописите и принципите за безбедност при работа во Европската Унија со прописите и
принципите во нашата држава.
Постоечката законска рамка, е добра, обезбедува високо ниво на усогласеност со
меѓународните стандарди, пред сѐ со стандардите на Европската Унија и Меѓународната
организација на трудот и истата соодветно ги воспоставува и утврдува клучните права,
обврски во делот на безбедноста и здравјето при работа во државата. Сепак, констатирано
е дека, постојат повеќе области каде што е потребно подобро и попрецизно законско
регулирање, за уште повеќе да се подобри и унапреди практичната имплементација и
спроведувањето на одредбите.

Keywords:

безбедност и здравје при работа, системи за управување со безбедност и
работа, повреди при работа, прописи и принципи за здравје и безбедност при работа,
процена на ризик.