Анализа на мотивација на вработените во администрацијата преку разработување на мотивациски профил на организацијата

Abstract

Концепцијата за мотивацијата проникнува длабоко и суштински и во основните
аспекти од управувањето, како на пример: лидерство, управување на екипи,
управување на исполнувањето, етичките прашања во управувањето, правилното и
рационално донесување на решенија, како и во организациските промени. Како
преплетен феномен се состои од поголем број аспекти и не се разбира само како
потребност на една личност или пак само во врска со материјалните и нематеријалните
наградувања и стимули.
Проучувајќи ја мотивацијата во јавната администрација,овие две категории,
мотивацијата и јавна администрација, ни дават можност да ги разгледаме и
идентификуваме големиот број на заеднички работи, од кои првата е
интердисциплинарност на двете. И оттука, комплексноста и тешкотиите при нивната
анализа.
Јавната администрација на земјите-членки постојано ќе се прилагодува на
современите услови, вклучително и членството во ЕУ, што ќе се развива само по себе.
Постојаните контакти меѓу персоналот на земјите-членки на ЕУ и Европската
комисија, барањето за развој и спроведување на законодавството на ЕУ со еднакви
стандарди на безбедност во ЕУ, правото на ЕУ и споделените основни вредности и
принципи во јавната администрација доведуваат до трендот кон обединување и
спојување на националните администрации.
Во контекст на спецификацијата на мотивацијата во јавната администрација,
можеме да го додадеме фактот дека трендот на размена (често и целенасочено преку
т.н. „бенчмаркинг) на ,,најдобрите практики,, кој станува се поважен, во поглед на
интернационализацијата и растечката важност на различни споредби преку видот и
нивниот карактер.

Keywords:

Мотивација, инструменти за мотивација, мотивациски
профил, двофакторен модел за мотивација