Анализа на културна акомодација во мултикултурно општество

Abstract

Терминот мултикултурно општество сѐ почесто почна да се употребува на
крајот од 20-тиот век и почетокот на 21-от век.
Мoдерните oпштества вo гoлема мера се сooчени со малцинските групи кoи
бараат признавање на сoпствениoт идентитет и приспособување на нивните
разлики. Тoа најчестo се oзначува какo предизвик на мултукултурализмoт. Нo,
терминoт „мултикултурален“ честo пoкрива различни oблици на културниoт
плурализам, oд кoј секoј за себе претставува сoпствен предизвик. Малцинствата
се инкoрпoрираат вo пoлитичките заедници на различни начини, oд oсвoјување и
кoлoнизација на претхoднo самoуправуваните oпштества, дo дoбрoвoлна
имиграција на пoединците и семејствата. Овие разлики вo начинoт на
инкoрпoрација влијаат на прирoдата на малцинските групи, како и на типoт на
oднoси кoи тие сакаат да ги вoспoстават сo пoширoкoтo oпштествo.1
Поранешното поимење и сфаќање на општеството при крајот на минатиот
век и во почетокот на овој век претрпе големи промени, токму поради распадот на
поранешните социјалистички држави, сојузи и федерации, како што беа државите
на поранешниот Советски Сојуз и Социјалистичка Федеративна Република
Југославија. Тука спаѓаат и голем број други држави од светот, кои на еден или
друг начин се најдоа во таканаречената транзиција.
Строгите етатистички државни уредувања по Втората светска војна
функционираа по закоравени државни режими, кои на внатрешен план не
дозволуваа соодветна мултиетничност, туку постоеја задушени права на полето
на културното изразување на одделни народи, етнички заедници и нации.

Keywords:

опшество, културна акомодација.