Однесување на потрошувачите при донесување на одлуки за купување услуги во осигурителните компании во Р. Северна Македонија

Abstract

Секоја организација, институција, компанија, која што е ориентирана кон своите
потрошувачи, секогаш во центарот на своите активности односо во централниот фоус
на своето дејствување го става потрошувачот. Фразата “однесувањето на
потрошувачите е се и се е однесувањето на потрошувачите” ја означува главната
активност на секој ентитет во дејствување на пазарот на потрошувачка на добра и
услуги. Однесувањето на потрошувачите и нивното разбирање е важно од многу
аспекти, вклучувајќи ја психологијата, економијата, социологијата, антропологијата, и
од најголема важност маркетинг студиите кои што денес повеќе од било кога се
насочени кон однесувањето на потрошувачите.
Однесувањето на потрошувачите или ориентираноста кон потрошувачите
претставува процес на развивање производи, услуги и стратегии кои што се базираат
на слушање на потрошувачите со цел да им се овозможи тоа што тие го посакуваат.
Овој процес се фокусира на активностите на потрошувачите кои постојано евалуира, го
проширува своот опсег и тежнее кон постојано истражување и разбирање на нови
методи.
Однесувањето на потрошувачите треба а и мора да биде главен фокус на секој
аспект од маркетиншките програми, активности и стратегии на сите ентитети кои што
сакаат да бидат едни од најдобрите или пак на самиот врв на пазарот на својата
дејност. Процесот на планирање и спроведување на замислата, одредувањето на
цените, промовирање и распределба на идеи, добра и услуги, како и задоволување на
секој поединец кој што тежнее кон таквите добра и усуги е од голема важност да се
разберат и објаснат потребите, мотивите, влијанијата, желбите на секој потрошувач.

Keywords:

потрошувачи, осигурителни компании, РСМ.