Факторите на безбедна клима како детерминанти на индивидуалното безбедно однесување на вработените

Abstract

Повредите и несреќите кај вработените во преработувачката индустрија се
поврзани со значителни економски хазарди и вклучуваат огромни штети,
предизвикувајќи прекумерни оперативни трошоци и загуби на човечки животи.
Безбедноста и здравјето при работа се однесуваат на сите аспекти на здравјето и
безбедноста на работните места. И покрај разликите кои се однесуваат на факторите
кои ја определуваат безбедноста, односно безбедната клима во организацијата, сепак,
важноста на безбедната клима во предвидувањето на безбедното однесување на
вработените е широко препознаена како во развиените земји, така и во земјите во
развој. Целта на овој труд е да се испитаат разликите помеѓу организациите со
различно ниво на безбедно однесување кај вработените во однос на примената на
седум фактори на безбедна клима, како и поврзаноста на секој од овие фактори на
безбедна клима со индикаторите на безбедно однесување кај вработените. Примерокот
го сочинуваат 100 испитаници, вработени во преработувачката индустрија, поделени
во две групи од по 50 испитаници, кои се разликуваат по нивото на манифестирано
безбедно однесување. За собирање на податоците се користени: Прашалник за
организациска безбедна клима (Nordic Safety Climate Questionnaire – NOSACQ – 50) и
Прашалник за безбедно однесување. Резултатите покажаа статистички значајни
разлики во степенот на примена на факторите на безбедна клима помеѓу организациите
чии вработени манифестираат различно ниво на безбедно однесување, како и
статистички значајна поврзаност на факторите на безбедна клима со индикаторите на
безбедно однесување кај вработените. Добиените резултати од ова истражување се во
согласност со резултатите од другите истражувања од предметната област, кои се
достапни во стручната литература

Keywords:

организација, безбедност и здравје при работа, безбедна клима,
безбедно однесување