Систем на превенција од организиран криминал

Abstract

Карактеристиките и особеностите на организираниот криминал укажуваат на тоа
дека се работи за една криминална појава, која е доста противречна, односно криминална
појава која се појавува во рамките на сите земји, и развиени и неразвиени, без да може да
се извлечат определени константни заклучоци кои би помогнале во конципирањето на
еден превентивен систем.
Организираниот криминал, според своите особености и одлики, претставува доста
комплексен поим. Самата негова комплексност е дополнителна причина истиот
истовремено да претставува и противречен поим. Противречноста на организираниот
криминал најдобро може да се согледа и да се сфати во контекст на територијалниот
опфат на организираниот криминал, односно неговата интенција за напуштање на
државните граници и неговата сѐ поголема зачестеност и застапеност во светски рамки.
Посебен интерес привлекува системот за превенција од организираниот криминал,
односно активностите кои би требало да бидат преземени во насока на спречување на оваа
криминална појава. Во рамките на овој труд посебно ќе бидат анализирани различните
аспекти на системот на превенција од организиран криминал, како во национални, така и
во меѓународни рамки.

Keywords:

криминалитет, организираност, група, интернационалност,
глобална закана.