Влијание на менаџментот врз ефикасноста на организациската структура во претпријатијата

Abstract

Брзите промени, кои настануваат во опкружувањето секојдневно, ги наметнуваат
своите барања и можности на кои претпријатијата и луѓето треба да се прилагодат и да
одговорат на истите. Тие промените, без одглед на тоа дали се случуваат внатре во
претпријатието или надвор од него, имаат влијание на организациската структура.
Вработените како ќе се справат со настанатиот вид на промени во голема мера зависи од
управувањето на менаџментот, односно од знаењето, способностите и вештините на
менаџерите.
Организациската структура е составен дел на секое претпријатие и е еден од
најважните аспекти за успешно и ефикасно работење. При изборот, од поголемиот број на
организациски структури, важно е да се избере оној модел којшто одговара на типот на
претпријатието. Во овој труд ќе биде обработен моделот на организациска структура кој
одговара на работата на компанијата Генезис Ресурсис Интернешнл ДООЕЛ Скопје.
Трудот се дели на теоретски и практичен дел. Во теоретскиот дел во основа се
објаснува сé за менаџментот и организациската структура, нивните елементи, предности и
недостатоци, моделите на организациска структура, фактори кои влијаат на изборот на
организациската структура и сл.
Во вториот, практичен дел прикажан е профилот на компанијата Генезис која се
занимава со вршење на минерални истражувања, ќе биде опишан опфатот на активностите
во кои е вклучена и дизајнирана организациската структура.

Keywords:

претпријатие, менаџмент, менаџери, организациска структура,
ефикасност.