Современи трендови и иновации во банкарското работење

Abstract

Банкарството како дел од вкупниот финансиски систем е основен столб на
економијата на една земја, а без работењето на банките, чија основна функција е
снабдување на репродукцијата со потребната количина пари и кредити, не би
можело да се замисли функционирањето на стопанските активности.
Банкарските услуги претставуваат основно спознавање на односот клиент-банка. На
потенцијалните корисници банката им дава повратни информации, со што се
остварува комуникацијата. Банкарското работење последниве неколку децении го
карактеризираат големи промени кои се последица на различни фактори.
Традиционалното банкарско работење доживеа трансформација во современо
банкарско работење под влијание на многубројни фактори.
Иновациите во областа на банкарството опфаќаат не само понуда на нови и
разновидни услуги, туку и осовременување на техниките и технологијата. Развојот
и примената на новите техники и информациската технологија придонесуваат за
повисоко ниво на квалитет на банкарските услуги и формирање на позитивен имиџ
на банката.

Keywords:

банки, иновации, современи трендови, банкарски производи,
кредитни производи.