Справувањето со конфликтите како фактор за напредување на организацијата

Abstract

Фокусот на секоја организација во општеството е да создаде средина каде што вработените можат ефикасно да ги извршуваат своите должности без никакво негативно влијание што може да го попречи остварувањето на индивидуалните и организациските цели. Сепак, конфликтот во организациите стана неизбежен затоа што вработените се борат за авторитет, позиција, признавање, недоволни ресурси итн. Овој труд го испитува справувањето со конфликтите како фактор за напредокот на организацијата. Акцентот е ставен на дефинирање на конфликтите во една организација, како и препознавање на видовите конфликти и причините за истите, и пронаоѓање на соодветна стратегија што треба да се примени за да се постигнат позитивни резултати што ќе доведат до напредување на организацијата. Оттука, во трудот беше истражувано дали справувањето со конфликтите во една организација ќе доведе и до нејзин напредок. Добиените резултати од спроведеното истражување ја потврдија генералната хипотеза, односно тие покажаа дека ако постои справување на конфликтите меѓу вработените, тогаш напредокот на организацијата ќе се одвива непречено.

Keywords:

организација, конфликти, менаџмент на конфликти, напредок на организацијата