Флуктуација на кадри во организациите и можностите за привлекување и задржување

Abstract

Без оглед на квалитетот кој го поседува една организација, во поглед на
производите кои ги произведува или услугите кои ги нуди, човечките ресурси
се несомнено најбитната “алатка” со која раководи компанијата. Затоа се смета
дека грижата за вработените треба да се стави на т.н. пиедесетал.
Задоволните вработени креираат повеќе успеси на организацијата,
незадоволните вработени ја тонат.
Имено, незадоволните вработени се склони кон заминување и барање
нова организација, а губењето на квалитетни кадри кои е тешко да се заменат,
со себе носат и големи трошоци за пронаоѓање нов соодветен кадар. Поради
тоа потребно е да се изнајдат, спречат и намалат причините за
флуктуирање на човечките ресурси, а да се посвети поголемо внимание на
нивно мотивирање, што долгорочно ќе придонесе кон нивно задржување и
успешност во работењето на организацијата.
Затоа, во овој труд го истражуваме феноменот флуктуација на
вработените на кој е изложена секоја организација. Од фундаментално
значење е да ги селектираме и препознаеме повторливите причини кои го
предизвикуваат овој феномен. Врз основа на тоа, преку препораки и примена
на корективни мерки за нејзино рано препознавање и решавање да се постигне
ефикасно извршување на целите на организаците.

Keywords:

човечки ресурси, кадри, флуктуација,
организација, јавен сектор.