Услови за работа и подобрување на работната средина во училиштата

Abstract

Секое работно место треба да биде просторно испланирано и организирано така
што работникот ќе може непречено да ги извршува своите работни задачи.
Планирањето на безбедноста и здравјето при работа претставува само еден дел од
големиот систем за безбедност и здравје при работа. Заштитата при работа, или
безбедноста на работното место претставува мултидисциплинарна област која
вклучува примена на: мерки и средства со кои се создаваат безбедни услови за работа,
современи технологии, здравствени и организациски мерки, сѐ со цел да се спречат или
барем намалат причинителите за повредите и здравствените заболувања на работните
места. Освен како обврска во како законска рамка, здравјето и безбедноста на
работниците се смета како основна потреба која овозможува зголемена продуктивност
и економски раст во секоја земја. Според физичките особини, условите за работа и
работната средина опфаќаат: температура, струење, влажност на воздухот,
осветлување и бучава. Во овој магистерски труд е извршена анкета на вработените во
неколку училишта, мерени се некои од параметрите на работната средина и извршена е
анализа на добиените резултати со препораки за натамошни активности.

Keywords:

работна средина, вработени, безбедност при работа