Превенција на малолетничка деликвенција и анализа на законската регулатива

Abstract

Малолетничката деликвенција е посебен феномен и еден од клучните
проблеми на современото општество, кој се јавува како посебна проблематика што
покажува растечки тренд во изминативе неколку години. Предмет на
истражување на овој магистерски труд се проблемите на малолетничката
деликвенција, теоретски објаснувања за однесувањето на младите лица, како и
различните појави на малолетничката деликвенција и механизмите што водат до
кривично гонење и санкции. Анализата на оваа проблематика дава јасна слика на
актуелната состојба, со посебен осврт на малолетничкото насилство, причините од
каде потекнува насилството, а се разработува и законодавството за малолетничка
дискриминација. Во склоп на овие принципи, посебно внимание се посветува на
концептот на малолетничка правда во Република Северна Македонија, притоа
анализирајќи го Законот за малолетничката правда.
Согласно Конвенцијата, грижата за децата е должност на секој поединец, на
семејството, институциите и на општеството во целина.
Овој магистерски труд се осврнува на малолетничката правда, новите
трендови кои се поврзани со спроведувањето на малолетничката правда, а сето ова
води кон воспоставување на европски малолетнички правен систем.
Малолетничката деликвенција, којашто е општествено негативна појава,
претставува повреда на кривично-правните норми од страна на малолетниците и
децата.

Keywords:

малолетник, закон, институција, ризик, деликвент