Криминалистички карактеристики на убиства на жени во Република Северна Македонија

Abstract

Со извршување на убиство се создава чувството на колективна
небезбедност во општественото живеење, од каде што произлегува и
сериозноста и потребата за истражување на неговата појава, особено што
безбедноста на општественото живеење се огледува по бројот на извршени
убиства.
Криминалистичките карактеристики на убиствата ни даваат информации
околу ситуацијата во која се извршило кривичното дело убиство, којашто
претставува систем од елементи кои го опкружиле сторителот во моментот на
извршување на кривичното дело.
Во контекст на тоа, со користење на елементите на криминалистичките
карактеристики на убиствата во однос на жртвата, го издвојуваме фемицидот
кој претставува најекстремна манифестација на машкото насилство врз
жените, за кој сѐуште постојат ограничени податоци.
Во Република Северна Македонија фемицидот не е препознаен како
посебно кривично дело во Кривичниот законик и се регистрира како и секое
друго убиство.

Keywords:

убиство, жртва, кривично дело, сторител,