Полови разлики во однос на психосоматски симптоми кај возрасни

Abstract

Во овој труд се испитуваат разликите во однос на психосоматски симптоми кај
возрасни лица од различен пол. Ова истражување е спроведено на примерок од 144
испитаници со просечна возраст од 40.4 години. Испитаниците се од градот Велес и
околните населени места. Инструмент користен во ова истражување е прашалникот
за самопроцена Корнел индекс (Cornell Medical Inventory). Согласно со наодите од
претходните истражувања кои се занимаваат со оваа тематика, беше претпоставено
дека жените се подепресивни од мажите, а резултатите од ова истражување ја
потврдија хипотезата. Втората хипотеза претпоставуваше дека жените имаат
поизразени фобични тенденции од мажите и наодите од ова истражување ја потврдија
и оваа хипотеза. Исто така, беше очекувана позитивна поврзаност помеѓу анксиозниот
синдром (анксиозност, фобичност, хиперсензитивност, депресивност и опсесивнокомпулсивни тенденции) и конверзивниот синдром (кардио-васкуларни,
инхибиторни, гастро-интестинални конверзивни реакции и хипохондриски
тенденции) и истото не беше целосно потврдено со наодите од ова истражување. Врз
основа на проучената литература,четвртата хипотеза претпоставуваше дека жените
имаат поизразени импулсивни тенденции од мажите, а резултатите ја потврдија
хипотезата и покажаа дека жените имаат поизразена импулсивност од мажите.
Петтата хипотеза претпоставуваше дека со зголемување на возраста, се зголемуваат
хиперсензитивноста и хипохондријатаи истото беше потврдено со наодите од ова
истражување. Шестата хипотеза претпоставуваше дека со зголемување на
анксиозноста се зголемуваат и опсесивно-компулсивните тенденции и инхибиторната
конверзија, а резултатите од ова истражување ја потврдија хипотезата. Седмата
хипотеза претпоставуваше дека испитаниците кои живеат во град имаат поизразени
фобични и хипохондриски тенденции од испитаниците кои живеат во село и
резултатите ја потврдија и оваа хипотеза.На крајот на трудот се сумирани предностите
и недостатоците на актуелното истражување и дадени се насоки за натамошни
истражувања во поглед на психосоматиката кај возрасните

Keywords:

ментално здравје, ментални нарушувања, психосоматски
симптоми, психосоматика, стрес, депресивност, анксиозност, возрасни