Улогата на маркетинг интелигенцијата во постигнувањето на конкурентна предност на компаниите

Abstract

Маркетинг интелигенцијата е дел од интелигентните ИТ системи за маркетинг
информации неопходни за стратешко и тактично планирање и донесување одлуки. Се
дефинира како собирање на маркетинг информации од сите достапни места, верификација
и валидирање на релијабилноста и конзистентноста на изворите на инфорамции и нивно
искористување за донесување одлуки. Поради развојот на информатичката технологија и се
поголемиот број на ИТ компании, интензивната конкуренција стана очигледна во
последниов период, како низ светот така и во нашата земја. Oскудни се истражувањета во
кои конкурентата предност е доведена во врска со маркетинг интелигенцијата поради
новината на предметот на истражување. Целта на истражувањето е да се добијат сознанија
за поврзаноста и насоката на поврзаноста помеѓу компонентите на маркетинг
интелигенцијата и конкурентната предност на компаниите. Примерокот го сочинуваат 40
маркетинг менаџери од ИТ компании во нашата земја. За собирање на податоците
користени се Прашалник за маркетинг интелигенција и Прашалник за конкурентна
предност на компаниите. Добиените резултати покажуваат дека постојат разлики помеѓу
компаниите со различна конкурентна предност во однос на степенот на примена на
компонентите на маркетинг интелигенцијата и дека постои позитивна поврзаност помеѓу
компонентите на маркетинг интелигенцијата и конкурентната предност на компаниите.

Keywords:

ИТ компании, маркетинг менаџмент, маркетинг интелигенција,
конкурентна предност