Структурата на мотивацијата кај спортистите и нејзината улога во постигнувањето на спортските цели и нивната улога врз задоволството надвор од спортот

Abstract

Знаеме дека основна карактеристика на човекот е неговата физичка активност, независно
дали е тоа вид на рекреација или подобрување на здравјето или е тоа заради постигнување
на одредени спортски резултати. Најпрво човекот спортот го применувал за игра и забава,
а потоа спортот се повеќе се развива во дејност, преку која може да остваруваме добивки.
Спортската индустрија настанала заради потребите на спортот, воедно и ги пласира своите
производи. Останатите стопански дејности преку спортот можат нивните производи да ги
направат достапни до сите потенцијални потрошувачи. Мотивацијата и мотивот се
движечка сила која ги поттикнува спортистите. Затоа мотивирањето на спортистите во
спортот е една од основните работи, а можеби и најважно. Мотивацијата е основен двигател
кој го поттикнува, насочува и одржува однесувањето на луѓето. Било тоа да е во работна
средина или спорт мотивација е таа што ги поттикнува луѓето да сакаат да работат и да
бидат успешни во спортот.
Мотивацијата може да биде внатрешна и надворешна.
Спортистите што имаат голема внатрешна мотивација се најдобри спортисти, ги
постигнуваат и најдобрите резултати. Тие исто така имаат и висока развиена самосвест и се
дисциплинирани. Исклучителниот успех на нивните професионални кариери е резултат на
посветеноста и мотивираноста. Надворешна мотивација е регулирана од надвор од
материјални и психолошки услови: пари, награда, па дури и казна.

Keywords:

спорт, мотив, мотивација, внатрешна мотивација, надворешна
мотивација