Успешно менаџирање со човечки ресурси, како клуч за успех во секоја организација

Abstract

Менаџментот на човечки ресурси ги вклучува сите активности што менаџерите ги
преземаат да ги привлечат и задржат вработените и да се обезбедат дека ја извршуваат
работата на високо ниво и придонесуваат за постигнувањата на организационите цели.
Овие активности го обликуваат менаџмент системот за човекови ресурси на
организацијата, систем кој има повеќе главни компоненти. Менаџментот на човечки
ресурси е процес со кој менаџерите ги дизајнираат компонентите на системот за
менаџментот на човечки ресурси, кои меѓусебно треба да се конзистентни, со други
елементи по организационата архитектура и со стратегијата и целите на
организацијата. Целта му е градење на систем за ресурси, што ја унапредува
ефикасноста, квалитетот, иновацијата на организацијата и потребите на
потрошувачите.
Менаџерите се тие што треба да го пронајдат потребниот баланс. Тоа подразбира дека
тие треба да даваат насоки за дејствување на вработените, грижа, обука и секако
мотивација за да се постигнат организационите цели.
Под успешно менаџирање со човечките ресуси во овој труд подразбираме правилно
организирање и правилна координација на сите активности во организацијата, се со
цел да се остварат добри резултати. Правилниот начин на менаџирање со човечкиот
потенцијал во една организација е пресуден за да самата таа организација доживее
конкретен успех, а со самото тоа и да опстане на потенцијалниот пазар.
Во магистерскиот труд со наслов „Успешното менаџирање со човечки ресурси, како
клуч за успех во секоја организација“, акцентот е ставен на менаџирањето со човечките
ресурси, како и на клучните сегменти во менаџментот со човечките ресурси во
организациите. Целта на истражувањето е да се дојде до сознанија за тоа колкаво е
значењето на успешното менаџирање со човечките ресурси за успехот на самата
организација.

Keywords:

менаџмент, човечки ресурси, организација, карактеристики,
активности.