Индустриска хигиена во функција на безбедна работна средина

Abstract

Безбедноста и здравјето при работа претставува мултидисциплинарно подрачје –
склоп на техника, физика, медицина, организација, хемија и слично.Заштитата при
работа, односно, безбедноста и здравјето при работа како збир на мерки, нормативи и
стандарди, пропишани за создавање на безбедносни услови за работа е уставна
категорија и универзално човеково и работно право.
Индустриската хигиена се дефинира како наука за препознавање, евалуација и
контрола на оние еколошки фактори или стресови, кои произлегуваат или се присутни
на работното место, а можат да предизвикаат болест, нарушено здравје и лоша состојба
или значителни непријатности и неефикасност кај работниците или меѓу граѓаните на
заедницата. Индустриските хигиеничари користат мониторинг на животната средина и
аналитички методи за откривање на степенот на изложеност на работници на
нееколошки услови во работната пракса и развиваат методи за контрола на
потенцијалните опасности по здравјето.
Во овој магистерски труд е истражувано и докажано дека постои
сигнификантна поврзаност помеѓу нивото на свесност на работниците, посветеноста на
менаџментот и индустриската хигиена со безбедноста при работа.

Keywords:

Безбедност при работа, работници, индустриска хигиена